Rúnar í þremur orðum:

Elsku Maja - þú skilur bezt allra að að þekkja hann var að elska hann.

Hér er hann í þremur orðum, eins og ég sá hann:

'ROCK N' ROLL' Ageless infinite cool  Soulful, romantic, real 

Simply the best!

 Crazy sexy cool Soulful, warm, happy!  The ultimate cool  The absolute best  The original rebel  No words needed  Imitated, never duplicated  The original pirate  Heart and soul What rock is… Yum, yum, yum!  Mother's worst nightmare...  Gracious heart + soul  Shy boyish charm Definition of cool He smiles sweetly 

 

Rúnar Júlíusson látinn

Síðasti Geirfuglinn

TEGUND Í ÚTRÝMINGARHÆTTU

 

Geir!

mig langar svo að tala við þig

segja þér hvernig mér líður

vonandi er ég ekki að trufla

ertu upptekinn þessa dagana?

 

Geir,

ég er þegn í landinu

sem þú ræður eða réðst?

geturðu sagt mér, Geir

hvað verður um landið mitt?

mér finnst svo óþægilegt að vita það ekki

 

Geir, þú þekkir mig ekkert,

við höfum einu sinni sést, (hef líka séð Jón Ásgeir einu sinni)

ég hef alltaf verið dugleg að vinna

ég vann í humri

ég menntaði mig

keypti íbúðir (eina í einu)

átti börn og buru

breytti og bætti

fór – og kom aftur

til þín

 

Geir, í fimm vikur

hef ég séð sektarkenndina naga þig

ég veit hvernig tilfinning það er að hafa brugðist

og langa til að fela sig

skríða ofan í holu

bara ef gólfið opnaðist…?

 

En Geir minn

ég get því miður ekki hjálpað þér núna

og borgað fyrir geimið sem ég tók ekki þátt í

og ég er svo fegin að þú ætlar ekki að persónugera vandann,

þá þarf mín persóna bara ekkert að koma inn í þetta.

 

Því ég verð að fara frá þér núna, Geir,

þetta gengur ekki á milli okkar lengur

þú ert farinn að haga þér af fullkomnu ábyrgðarleysi

með peningana mína

framtíðarhag barnanna,

ertu búinn að veðsetja þau?

 

Öll börnin okkar, Geir?!

 

Ég skil vel að þú viljir ekki missa vinnuna, Geir

hver vill það?

Var það til að halda vinnunni að þú skortseldir börnin okkar?

Ertu að segja að ég eigi að borga þér launin þín

aftur

þann fyrsta desember?

 

Af hverju ertu að hlæja?

 

Ég veit alveg, Geir

að það verður í lagi með mig

en Geir,

hvað með alla hina

hvað með börnin?!

 

Þetta lán (í óláni)

sem þú ert alltaf að segja að komi eftir helgi,

hver á að borga það?

Er það nokkuð ég?

Ha, Geir, ha?

 

Þá er ég ekki til í að þú takir það.

 

Þú kannt ekkert með peninga að fara.

Þú veist það, Geir.

Í hvað eiga þessir peningar – sem þú ætlar að taka í mínu nafni - að fara?

 

Til að afskrifa lán fyrir Jón Ásgeir?

Kaupþing … ertu ekki að jóka í mér?

Og borga fyrir kosningabaráttuna þína í vor?

 

Ertu orðinn brjálaður maður?

 

Svona, Geir minn, manstu þegar Davíð varð borgarstjóri

svo forsætisráðherra, alveg eins og þú…

seðlabankastjóri

þá voruð þið svo oft saman

þá var gaman, ha?

 

Geir,

ég vona að þjóðin gefi þér upp sakir

en ég verð að drífa mig núna

þú skilur,

 

ég jafna mig á þér

og ég myndi hjálpa þér að borga, Geir

með einu skilyrði

að þú værir að sýna merki um að taka þig á

sýna að við værum saman í þessu

en það eru liðnar fimm vikur

og ég er ekki til í það lengur

ekki eftir að þú seldir börnin okkar, Geir

ekki eftir að þú neitar að segja mér hvað þú ætlar að gera við ólánið, Geir,

góða nótt

 

Innblásið af ljóði Höllu Gunnarsdóttur til Björgólfs G.,

Reykjavík, 9. nóvember 2008,  

Þórdís Bachmann

Hvers vegna eru Íslendingar í miklu lakari stöðu?

Ein (afskaplega nærtæk) skýring gæti verið þessi, sem birtist á Silfri Egils í gær:

,,Samkvæmt þeim fjölmörgu blaðamönnum og sérfræðingum sem hafa komið til Íslands eru skilyrði Alþjóðagjaldeyrissjóðsins um lánveitingu til Íslands mjög skýr: að núverandi ríkistjórn segi af sér og kosið verði um nýja."

Þarna væri komin skýring á þessum endalausa drætti og þeim skyndilega manndómi sem virtist glitta í hjá GHH í gær, þegar hann kvaðst allt í einu ekki ætla að láta kúga sig!

Og um leið skýring á því hvers vegna Ungverjar og Úkraínumenn eru komnir fram fyrir okkur í röðina og búnir að fá sín lán samþykkt - og afgreidd- hjá IMF.

Lán tefst eitthvað áfram

Er Geir Hilmar að mannast?

Á maður að þora að trúa því, svona korteri fyrir þjóðarmorð, að leiðtoginn síljúgandi sé eitthvað að sjá að sér? Að hann hafi skyndilega fundið hjá sér manndóm? Það er nokkuð seint, ef satt er.

Tveir-þriðju þeirra sem ég þekki, eru búnir að panta gám fyrir búslóðina. Þetta er sérhæft fólk, sem er komið með vinnu í öðrum löndum. Það ætlar ekki að koma aftur, sama hvað.

Við hættum frekar við lánið

Blóðrautt sólarlag fjölmiðlafrelsis

Fáfræði er máttur!

Hvítþvottaráðuneytið

Félag Jóns Ásgeirs keypti fjölmiðla 365

Everybody knows

Everybody knows the boat is leaking,

everybody knows the captain lied.

Dallurinn rakst á ísjakann fyrir þremur vikum og "the captain" segist þurfa svigrúm!

Auk þess sem hann segir óbeinum orðum að okkur (les: almúganum) komi þetta bara ekki við. Nú væri fróðlegt að sjá RÚV-ara taka á Birgi Ármannssyni formanni allsherjarnefndar, sem telur ekki að setja eigi neyðarlög um að kyrrsetja eignir auðmanna sem áttu þátt í falli bankanna. (!)

RÚV sagt kynda undir sleggjudómum og ofstæki

Var ekki búið að gera íslenskan almenning ábyrgan?

Misskildi ég það að Hollendingar hefðu stillt Mr Mathiesen upp við vegg og látið hann skrifa upp á samkomulag um innistæður Hollendinga á IceSave reikningum Landsbankans í Holllandi?

,,Árni Mathiesen fjármálaráðherra og Wouter J Bos fjármálaráðherra Hollands áttu fund um málið í Washington þann 11. október sl. og eftir þann fund kvaðst Wouter ánægður með að staða hollenskra innistæðueigenda væri nú tryggð."

Ekki það að ég gæti ekki hafa misskilið þessa frétt, því mér er til dæmis fyrirmunað að skilja hvernig ríkið gat sett mig og aðra Íslendinga í ábyrgð fyrir útrás bankanna.

Eitt veit ég þó - fólkið (les: ráðamenn) sem ber ábyrgð á örlögum þjóðarinnar og er búið að ljúga upp í opið geðið á okkur vikum og mánuðum saman, er enn við völd. Og engin siðvæðing í sjónmáli, fremur en von um nokkuð annað en óðaverðbólgu, flokkaspillingu og einangrun.

Hollendingar hóta málsókn

The Joker

Ekki þörf á aðgerðapakka

,,Ótímabært!"

Heyrðuð þið mannfýluna segja að aðgerðir vegna gengisfalls og hruns væru ,,ótímabærar!"

Er ekki allt í lagi heima hjá honum?

Glitnisaðgerð ekki endapunktur

Hvað kostar eitt stykki mannslíf?

Í frumvarpi okkar glæsta forsætisráðherra um bætur til Breiðavíkurdrengjanna, er lagt til að hið opinbera greiði fórnarlömbum miskabætur eftir tilteknu punktakerfi. Takið þó vel eftir því, að fórnarlömbin eiga að lyfta sönnunarbyrðinni, um að þau hafi í raun verið skemmd fyrir lífstíð. (!)
Halló! Það eru til tölulegar staðreyndir um hverjar afleiðingarnar urðu af hryllingsdvölinni í Breiðuvík.
Tæp níutíu prósent þeirra drengja sem þar voru í geymslu urðu afbrotamenn. Er það ekki nokkuð augljós sönnun?
Það skiptir engu máli hversu baldnir eða ofvirkir þessir drengir voru. Meðferðin á þeim, sem viðgekkst með blessun þeirra tíma barnaverndarnefnda, verður aldrei réttlætt.
Nú er komið á daginn, að samkvæmt lagafrumvarpi sem lagt verður fyrir Alþingi bráðlega, stendur til að bætur til þeirra sem vistaðir voru á Breiðavíkurheimilinu verði á bilinu 375 þúsund til tveggja milljóna. Líklega eru þessir handaurar hvorki verðtryggðir né með dráttarvöxtum, en verða væntanlega hæstir til þeirra sem fá sig til þess að útskýra fyrir nefndinni, að skortur á skólagöngu og samskiptum við foreldra og systkini, ofan á frelsissviptingu, þrælkun og kynferðislegri misnotkun frá sjö ára aldri; slík harðneskja á unga aldri, geri reyndar að verkum að menn falla saman af sársauka vegna myrkurs æsku sinnar og bíða þess ALDREI bætur. Ef af verður, hafa fórnarlömbin verið svívirt tvisvar; það er hvergi tíðkað nema meðal þeirra sem lifa við miðaldasiðgæði að fórnarlömbum sé gert að lyfta sönnunarbyrði um fyrirfram sannað, stórfellt andlegt og líkamlegt, ÓBÆTANLEGT tjón.
Ja, svei!

Telja bætur of lágar