Var þá allt okkur að kenna?

"Skuldir heimilanna tefja batann" - sorry, strákar.
Vorum við, sem borgum fyrir þetta gilli ykkar, og öll hin gillin undanfarin 68 ár, bara til óþurftar, eftir allt saman?
Heimilin eru bara búin að safna miklum skuldum!
En það er ekki eins og þið hafið verið í neinni óráðsíu, sem ráðið hér hverjum þið bjóðið inn, hvort sem það er Al-Thani eða Alþjóðagjaldeyrissjóðurinn og getið þar að auki ráðskast með hækkun eða lækkun gengis, fasteignaverðs og stýrivaxta.
Það er ekki eins og við höfum ekki margsinnis séð fréttir um milljarðaafskriftir til handa stórgerenda hrunsins sem varð hjá okkur, sem höldum uppi þessu gilli ykkar, af því við höfðum trú á samfélaginu, en vorum svo svikin svo illilega, að við tók vonleysi.
Og það er þetta vonleysi sem mun "tefja batann" allt rosalega - eftir að allir sem vettlingi geta valdið eru farnir.
Takk annars fyrir mig - it´s been real.

Skuldir heimilanna tefja batann

Sætastur...

og krúttlegt sem haft var eftir pabba hans:
"Stundum einum of mikið, þegar við komum heim eftir að kenna dans allan daginn, að William stendur og bendir á græjurnar og vill koma að dansa..."

2 ára stórstjarna fædd

Til hamingju

Pétur - vissi ekki af afrekum þínum á blússviðinu - fyrir utan að vitanlega ætti að nægja að vera faðir Guðmundur Péturssonar til þess að verða heiðursfélagi í Blúsfélagi Íslands alls!

Blúsfélagið heiðrar Pétur

Hvern er verið að "vernda"?

Er verið að "vernda" hundruð kvenna með leka púða, fyrir því að fá tilboð um skönnun og aðgerð?
Eða kannski lækna, sem voru á einkastofum með einkabókhald?
Spyr sá sem ekki veit - en mér finnst þetta óskiljanleg ákvörðun Persónu"verndar".
Leyfi mér að vitna í Vilhjálm Ara Arason, heimilislækni:
"Hundruð kvenna með varanlegt heilsutjón og jafnvel örkumlun vegna brjóstaíhlutana á vitlausum forsendum. Púðarnir áttu jafnvel að endast út lífið, en byrjuðu að leka í tugprósenta tilfella á innan við áratug. Sem síðan eitra út frá sér í umhverfið með bólgum og stífla kirtla og sogæðakerfið. Með allskonar óljósum einkennum og verkjum, enda virðist bæði skel og innihald tærast upp að stórum hluta og safnast upp annars staðar. Eitt er víst, að vandinn gufar ekki bara upp og hverfur."

Landlæknir fær ekki upplýsingar

Lætur verkin tala...

sem enginn þeirra sem "orðaðir" hafa verið við framboð hafa gert - fram að þessu.
Þóra hefur þó sagst ætla að hugsa málið út vikuna.
Hinir eru að bíða eftir - ja, hverju?

Býður sig fram til forseta

Gimme a break!

Ef það má ekki segja rökstudda skoðun sína eða almennt hafa skoðun - þá er spillingin orðin algerlega rótföst og eins gott að skipta um nafn á þessu skeri og kalla það AlkaTrash.

Krefja Pál Baldvin um afsökunarbeiðni

Brava Bryndís!

Bryndís skrifar frá hjarta sínu og er eins og maður hennar: hreinskiptin, ærleg og sönn í sínum samskiptum - fyrir utan að vera snilldarpenni.

Mannfyrirlitning í skrifum Þóru

take off ad astra

Þetta er stórkostlegt!
Sjáið þið líka fígúruna í myndinni?
Vofandi yfir?
Sjúkkit, maður.

Augu heimsins á mynd frá Íslandi

Up shit´s creek, no paddle

Spyr mig: Langar sænska hagkerfið ofsalega að fá íslensku krónuna inn í sig?
Og svara: Ef svo er, þá bara komiði!
Til er ég! Bara þjóðaratkvæðagreiðslu í hvelli!
En hvað segir Noregur? Stendur hann ekki eiginlega betur, svona gjaldmiðilslega séð, með alla þessa olíu? Ættum við kannski frekar að bíða eftir að þeir vilji okkur aftur?
Og af hverju er minnist enginn á rúbluna?
Er það eitthvað pólitískt?
Ó, endalaust áreiti og enginn vegvísir.

Ísland 2012

Var úr millistétt, er sjálf óðum að færast í þá átt að verða ein af "götufólki". Þótt það komi bara 150 á Kaffistofuna, er ég viss um að a.m.k. 150 í viðbót eru þarna úti og bera harm sinn í hljóði. Ennþá.

Götufólk hrakið í snjó og kulda